Украйны нийслэл Киев хотноо Оросын шахалтаас болоод Засгийн Газар Европын холбооны чөлөөт худалдааны гэрээг хойшлуулсаныг эсэргүүцэн 100 гаруй мянган хүн жагсаал хийж байна. Энэ нь 2004 оны хувьсгалаас хойшхи хамгийн том эсэргүүцлийн жагсаал болжээ. Засгийн Газрын ордны гадаа байсан жагсагчид руу цагдаа нар нулимс асгаруулах хий цацжээ. Цагдаа нар жагсагчид ордон руу тэсрэх бөмбөг хаях гэж оролдсон тул ийм арга хэмжээ авсан гэж мэдэгдсэн байна. Украйнчууд өнгөрсөн долоо хоногт Европын Холбооны чуулганд оролцохдоо шийдвэр гаргасан боловч Орос улс Украйнд шатахуун нийлүүлэхгүй хэмээн сүрдүүлсэн гэж үзэж байна. Жагсагчид “Бид Европт амьдрахыг хүсч байна эсвэл Европын бүрэлдэхүүн хэсэг болох Украйнд амьдрахыг хүсч байна” гэсэн утгатай уриа лоозон барьжээ. Бид үр хүүхдээ ирээдүйд Оросын дарамтанд амьдруулахгүй байхыг хүсч байна гэж жагсагчид мэдэгджээ. Өнгөрсөн Баасан гаригт Украйны ерөнхий сайд Микола Азаров улс орныхоо эдийн засгийн хөгжлийг бодолцон, байгалийн хийн хэлэлцээрт гарын үсэг зурахгүй гэдгээ мэдэгджээ. Украйн улс байгалийн хийн хувьд Оросын импортоос хараат байдаг байна. 2009 онд Оросын эрх баригчид байгалийн хийн нийлүүлэхээ больсноос хойш Украйн улсад үнэ хөөрөгдөж байжээ. 
