Орчин үед хайр дурлалаа үнэнчээр хадгалахад хамрын дусаалга хэрэг болж мэдэх нь ээ. Энэхүү хамрын дусаалга нь окситоцин гэдэг бодис агуулдаг байна. Бидний нэрлэж заншсанаар хайрын гормоныг энэ бодис ялгаруулдаг болохыг Оксфордын их сургуулийн профессорууд батлаж байна. Энэ нь хүмүүсийн хоорондох харилцааг бэхжүүлэх, ялангуяа гэрлэлтийг бат бөх байлгахад тустай гэж тэд үзжээ. Доктор Женнифер Эштон “Бид окситоцин бүхий хамрын дусаалгыг бүх хүмүүст санал болгох гээгүй байна. Зөвхөн гэр бүл салж сарнихдаа тулаад байгаа тохиолдолд л энэ эмийг хэрэглэхээр бүтээсэн юм” хэмээн ярьжээ. АНУ-д энэ ид шидтэй хамрын дусаалга гарсан нь ихээхэн гүйлгээтэй байна. Уг бүтээгдэхүүн нь уураг тархинд хүрсэн дороо баяр баясгаланг төрүүлж, сөрөг мэдрэмжээс салгаж, ойр дотнын хүмүүсээ хайрлах сэтгэлийг бий болгодог гэнэ. Сүүлийн үеийн Анагаах ухааны судалгааны дүнгээс харахад цусан дахь окситоцины түвшин нь өндөр байгаа хосууд хэзээ ч салж сарнидаггүй болох нь тодорхой болжээ. Тэгэхээр Америкийн эрдэмтэд Дурлалын эмийг үнэхээр бүтээж чадсан бололтой. Америкийн ABC телевизийн сэтгүүлчид олон нийтийн дунд санал асуулга явуулахад хүний хайр сэтгэлийн асуудлыг химийн шинжлэх ухааны аргаар шийдвэрлэх боломжгүй гэж үзжээ. Гэхдээ л окситоцин нь бэлгийн дур сонирхлыг өдөөж, эерэг хандлага төрүүлдэг тул хосуудад эерэгээр нөлөөлөх нь гарцаагүй гэж үзсээр байгаа юм. Гэхдээ л сайхан хайр дурлал хосуудын харилцаанд оршдог болохыг бүгд хүлээн зөвшөөрдөг билээ.