ОХУ-ын Якутийн бүгд найрамдах улсын эрх баригчид ирэх онд чонотой тэмцэх ажилд зориулан 34 сая рубль баталжээ.

Чонын тоо толгойг зохистой хэмжээнд барих, мал сүргийг чононоос хамгаалах ажилд зарцуулах төсөв нь  энэ онд 28 сая рубль байсан юм.

Ирэх жил Якутын анчид “Аэрошют” хэмээх хөнгөн нисдэг тэрэг ашиглан чоно агнахаар болжээ. Сүүлийн гурван жилд Якутад хээрийн боохой 400 сая рублийн хохирол учруулсан бөгөөд энэ нутагт чонын ав хомрогыг байнга зохион байгуулж байхгүй бол тоо толгой, учруулах хохирол нь эрс нэмэгддэг байна.