Нью-Йорк хотод галт тэрэг осолдсоны уршгаар, дөрвөн хүн нас барж, 60 гаруй хүн шархаджээ. Шархадсан хүмүүсийн 11-ийнх нь биеийн байдал тааруу байна. Галт тэрэг ямар учраас замаас хазайж, осол гаргасныг орон нутгийн мөрдөгчид шалгаж эхэллээ. Гэрчүүдийн мэдэгдэж байгаагаар галт тэрэг хурд хэтрүүлэн явж байсан гэнэ. Харин нийтийн тээврийн албаны хэвлэлийн төлөөлөгч Marjorie Anders “Осол хурд сааруулагчтай хэсэгт гарсан. Галт тэрэгний хар хайрцагны бичлэгээс хэр хурдтай явсныг нотлох болно” гэж мэдэгджээ. Амьд үлдсэн хүмүүсийн мэдэгдэж буйгаар галт тэрэг эвдэрч, утаа манарч байсан гэнэ. Өнгөрсөн тавдугаар сард Коннектикут мужийн Бриджпортын галт тэрэг мөргөлдөж 75 зорчигч шархдаж байжээ.