Украйны тэмцэгчдийн эсрэг хүч хэтрүүлэн хэрэглэсэн явдлыг НАТО зэмлэн буруушаалаа. АНУ-ын төрийн нарийн бичгийн дарга Жон Керри Украйны эрх баригчдыг ард иргэдийнхээ дуу хоолойг сонсохыг шаардсан байна. Украйны хэдэн зуун мянган иргэн Европын холбоонд гишүүнээр элсэх хэлэлцээрт гарын үсэг зураагүй хэмээн ерөнхийлөгч Виктор Януковичыг буруутгаж байгаа юм. Киев хотын парламентын ордны гадаа эхэлсэн жагсаал эцэстээ цагдаа нарын хүчирхийллээр үргэлжилсэн нь орчин үеийн Европын улсад байж боломгүй явдал гэж ноён Керри мэдэгджээ. Тиймээс сөргөлдөөнийг зогсоохын тулд яаралтай хэлэлцээр эхлүүлэхийг зөвлөсөн байна. Ерөнхийлөгч Виктор Янукович энэ даваа гаригт Европын холбооноос Украйныг хасах тухай хэлэлцээрийг өөр талаас нь ярилцах боломж байгаа эсэхийг асууж, хүсэлт илгээсэн байна. Комиссын ерөнхийлөгч Жосе Мануэд Барросо хүсэлтийг хүлээн авсан гэнэ. Долоо хоногийн өмнө эхэлсэн жагсагчид төр захиргааны байгууллагыг хаасан учраас Засгийн газрын албан хаагчид ажил руугаа орж чадаагүй юм. Ерөнхийлөгч Янукович зөрчлийг намжаахыг хүсч буйгаа телевизэд өгсөн ярилцлагаараа илэрхийлсэн байна.