Уран барималч Ра Пуалете бусдаас ялгарах өвөрмөц хоббитой нэгэн. Өдгөө 67 настай тэрээр “New Mexico”-т жинхэнээс ялгагдахааргүй элсэн чулуун агуйг бүтээж чаджээ. Сонирхолтой нь тэрээр энэ бүтээлийг хийхдээ зөвхөн зээтүү, түрдэг тэрэг ашигласан гэнэ. Агуйн хана, шал зэргийг туурвихад олон янзын хээ болон дүрснүүдийг ашиглажээ. 106 метр кавдрат талбайг хамрах энэхүү агуйг 995 мянган доллараар үнэлсэн гэдэг.
Ра сургуулиас гарч, Америкийн усан цэргийн флотоос хөөгдсөний дараа тэнэмэл амьдралаар амьдарч байлаа. Гэхдээ тэрээр шуудан зөөгч, хамгаалагч, манаач, фермер зэрэг ажлуудыг хийж байгаад эцэстээ уран бүтээл хийх сонирхолтой болжээ. 1985 онд Ра малтагч хэрэгслээр газар ухаж, анхны агуйгаа бүтээж эхэлжээ. 1987 онд бас нэгэн агуй хийсэн нь уран бүтээлчдийн сонирхлыг татах болсон байна. Хэний ч зөвлөгөөг дагалгүй, зөвхөн өөрийнхөө хүслээр уран бүтээл туурвидаг түүний агуй өнөөдөр хүмүүсийн сонирхлыг татаж эхэллээ. Түүний 25 жилийн туршид бүтээсэн 14 төрлийн агуйгаар богино хэмжээний кино хийсэн нь ирэх оны Оскарын шагналд нэр дэвших нь тодорхой болжээ.
Сэтгэгдэл (1)