Бостоны судлаач ясны чөмөг шилжүүлэн суулгах хагалгааны ачаар ДОХ-ын вирус тээгч хүмүүсийг эдгээх боломжтой гэж үзжээ. Чөмөг шилжүүлэх хагалгааг хоёр өвчтөнд хийснээс хойш ойролцоогоор 8 сарын дараа вирус илрээгүй ажээ. Гэхдээ хоёр өвчтний нэг нь 12 долоо хоног, нөгөө 32 долоо хоногийн турш эмчилгээнд хамрагдсаны дараа вирус дахин илэрсэн байна. Вирус дахих шинжтэй байсан тул дархлал сэргээх эмчилгээ хийсний дараа ахин сэдрэхгүй байх гэж найдаж байна.  “ДОХ-ын вирус ахин илрэхэд өвчнүүд сэтгэлээр унадаг. Бид ДОХ-ын тэсвэртэй вирусыг илрэхгүй түвшинд хүртэл бууруулах боломжтой” гэж доктор Тимоти Хенрич мэдэгджээ. Энэхүү судалгаагаар нөхөн сэргээх эмчилгээг хангалттай түвшинд хийхгүй бол вирус тэсвэртэй байдаг. Мөн зөвхөн цусанд үрждэг гэдэг нь өрөөсгөл ойлголт гэж үзжээ. Тиймээс вирусыг илрүүлэх багаж хэрэгслээ боловсронгуй болгож, дархлалын системийг сайжруулах замаар эдгээх боломжтой гэсэн дүгнэлтэнд хүрсэн байна. Дээрх хоёр өвчтөнд чөмөг шилжүүлэн суулгаснаас хойш цусанд нь ДОХ-ын вирус дахин илэрсэн ч эрчимт эмчилгээ хийснээс 6-9 сарын дараа бүрмөсөн арилна хэмээн найдаж, судалгааг үргэлжлүүлж байна.