Өмнөд Африкийн ерөнхийлөгч Нелсон Манделагийн дурсгалыг хүндэтгэх ёслолын ажиллагаа маргааш Иоханнесбург хотын хөл бөмбөгийн цэнгэлдэх хүрээлэнд болох гэж байна. Энэ ёслолын ажиллагаанд одоогоор 59 орны удирдагч оролцохоо мэдэгджээ. Үүнд Бразилийн ерөнхийлөгч Дилма Роузефф, Палестины ерөнхийлөгч Махмоуд Аббас, Энэтхэгийн ерөнхийлөгч Пранаб Мухережее, НҮБ-ын ерөнхий нарийн бичгийн дарга Бан Ги Мун, Германы ерөнхийлөгч Иоахим Гаук нарын нэр багтаж байгаа юм. Мөн АНУ-ын ерөнхийлөгч асан Жору Буш, Билл Клинтон, Жимми Картер, одоогийн Ерөнхийлөгч Барак Обама эхнэрийн хамт оролцоно. Энэ нь ийм олон дэлхийн алдартнууд удирдагчдыг нэг газар, нэг өдөр цуглуулж буй ховорхон үйл явдлуудын нэг болох юм.  Уг ёслол болох хөл бөмбөгийн талбайд Нелсон Мандела 2000 онд хамгийн сүүлийн удаа олон нийтийн өмнө гарч байсан түүхтэй.

   Түүний цогцсыг ирэх лхагва гарагт тус улсын  Претория дахь Засгийн газрын байранд байрлуулах бөгөөд иргэд хүндэтгэл үзүүлэх боломжтой аж. Харин бямба гарагт нисдэг тэргээр зөөж, төрсөн газар болох Куну тосгонд нь аваачихаар төлөвлөжээ.  Тэнд бараг 100 жил насалсан Нелсон Манделаг 12-р сарын 15-ны өдөр уламжлалт ёс заншлаар сүүлчийн замд нь үдэх юм байна.