ГХЯ хэзээнээсээ дарга нарын хүүхдүүдээр дүүрсэн газар. МАН-ын үед ч дарга нар хамаатан садан, хүүхдүүд, нууц амрагуудаа чихдэг газар байсныг ил далдаар ярилцсаар ирсэн. Харин АН-ын “төрийн албыг төрлийн алба болгох аян” ГХЯ-нд хэрхэн өрнөж байгаа жагсаалтын эхнийхийг дэлгэж байна.

1.Б.Мөнхжаргал. Л.Болд сайдын туслах байж байгаад зөвлөх нь болсон. Хамаатан нь гэж яригддаг. Одоо Монгол Улсаас АНУ-д суугаа Элчин сайдын яамны Консулын хэлтсийн дарга болжээ.

2.Д.Бат-Эрдэнэ. Л.Болдыг Батлан хамгаалахын сайд байхад туслах нь байсан. Ойрынх нь хамаатан. Гадаад харилцааны яамны Энхийг сахиулах ажиллагааг зохицуулах тасгийн даргын алба хашдаг.

3.Золбаяр. Гадаад харилцааны сайд Л.Болдын туслах байсан. Одоо ГХЯ-ны Төрийн захиргаа, удирдлагын газрын дэд захирал болов.

4.Ц.Батмөнх. Л.Болд сайдын найз. Германд сургууль төгссөн. Төрийнг албанд ажиллаж үзээгүй түүнийг ГХЯ-нд хэсэгхэн ажиллуулаад Монгол Улсаас ХБНГУ-д суугаа Элчин сайдын яамны Консулын хэлтсийн дарга болгов.

5.В.Өлзийбаяр. Л.Болдын тун ойрын хүн гэж яригдах болсон тэрээр ГХЯ-ны Олон улсын байгууллагын газрын дэд захирал болжээ.

6.С.Сүхболд: УИХ-ын гишүүн Б.Болорын хүн гэж яригддаг. Өөрөө ч нуудаггүй. ГХЯ-ны ТЗУГ-ын дарга. Албан тушаалаа ашиглан эхнэрийнхээ хамаатныг нягтлан болгосон. Бас нэг хамаатныг нь Монгол Улсаас НҮБ-д суугаа Байнгын төлөөлөгчийн газарт техник ажилтнаар явуулсан.

7.Батж.Батбаяр: Л.Болдын найз УИХ-ын гишүүн асан. Зүүн хойд Ази фракцийнх нь бодлогыг тодорхойлогч. Одоо ГХЯ-ны Тусгай үүрэг гүйцэтгэгч Элчин сайдаар ажилладаг. Батж.Батбаярын эхнэр нь ЗГХЭГ-ь ажилладаг.

8.Ж.Чулуунхүү: Л.Болд сайдын гэр бүлийн жолооч байсан. Одоо Монгол Улсаас ХБНГУ-д суух Элчин сайдын яаманд ажиллаж байна.

9.Баярхүү: АН-ын итгэлт хүн гэгддэг тэрээр Л.Болдыг сайд болсны дараахан Хөрш орнуудын газрын дэд захирал болжээ.