Малайзад манай улсын бас нэгэн иргэн хүний наймааны золиос болсон талаарх мэдээлэл цацагдаж эхэлсэн.  Тэгвэл энэ талаар ЦЕГ-ын хэвлэл мэдээллийн ахлах байцаагч, цагдаагийн ахмад Ё.Лхагвасүрэнгээс тодруулахад,  "Малайзын хэргийг гадаадын хэрэг харьяалах газраас лавлах хэрэгтэй байх. Манайх болон Мөрдөн байцаах газраас гадаадад болсон хэргийг шалгах, мөрдөх эрхзүйн орчин байхгүй. Тэр хэргийг тухайн улын цагдаагийн байгууллага нь мөрдөнө. Харин манай улсын иргэнтэй холбоотой болохоор Гадаадын иргэн харьяатын Консулын газар  энэ хэрэгт хуулийн талаас нь тусалж, эрхзүйн орчинг нь бүрдүүлэх ёстой. Гадаад харилцааны яамнаас харин тэр хохирогчийн ар гэрийг олж тогтоо гэвэл цагдаагийн газар даалгаварын дагуу үүргээ гүйцэтгэнэ" гэв.  Харин Гадаадын иргэн харьяатын Консулын газраас энэ талаар асуухад "Бидэнд одоогоор өгөх мэдээлэл алга. Энэ хэргийн талаар лавлахаар цагдаагийн байгууллагад бичиг илгээсэн байгаа" гэсэн юм.