Бидний эртний өвөг дээдсийн удамшлын мэдээллийг орчин үеийнхтэй харьцуулан судалсан судалгаа цөөнгүй. Гэхдээ эрдэмтэд Испанийн хойд хэсгээс олдсон 400 мянган жилийн өмнөх эртний хүмүүсийн ДНК-г харьцуулан судалсан байна. Ингэхэд эртний хүмүүсээс олдсон гуяны яс нь орчин үеийн хүмүүстэй таарахгүй байгаа гэсэн дүгнэлт гаргажээ. Харин Неандерсталын хүний үеийнхтэй тохирч байжээ. Эндээс эдгээр хүмүүс Сибирээс Испани руу урт зам туулж очсон гэсэн дүгнэлтэд хүрсэн байна. Орчин үеийн хүн бий болохоос 60 мянган жилийн өмнө Африкаас гаралтай хүн сүрэг дэлхий даяар тархан суурьшсан гэж үздэг. Неандерсталь болон Денисованс хүмүүс нь орчин үеийн хүн бий болохоос хэдэн зуун мянган жилийн өмнө амьдарч байсан эртний өвгүүд юм. ДНК-ын судалгааг ашиглан хүн төрөлхтний түүхийг таних боломжтой. Тиймээс дээрх судалгаагаар түүхэн цаг үед хувьсал хэрхэн явагдаж байсныг гүнзгийрүүлэн судлах шаардлагатайг баталжээ.