Одоогоос нэг жилийн өмнө Энэтхэгийн нийслэлд автобусанд зорчиж явсан 23 настай эмэгтэйг 6 хүн хүчиндэж, амь насыг нь хохироосон хэрэг гарч, нийгэмд бухимдал үүсгэж байсан билээ. Уг аймшигт хэрэг Энэтхэгийн хууль чангыг харуулж, гэмт этгээдүүдэд зохих шийтгэлийг хүлээлгэсэн юм. Тэгвэл “Guardian” сонины сурвалжлагчид 2012 оны байдлаар зөвхөн Дели хотод нийтэд ил болж, бүртгэгдсэн 706 хүчингийн хэрэг байгаа ч зохих ял шийтгэл оноодоггүй тухай нийтэлсэн байна. Тус улсад сексийн гаж донтнуудад өгөх ял шийтгэл сул байгаа тул жилээс жилд золиос болох эмэгтэйчүүдийн тоо өссөөр байгаа юм. 2011 онд 635 хүчингийн хэрэг бүртгэгдсэнээс зөвхөн нэгд нь ял, шийтгэл оногдуулсан гэсэн дүгнэлтийг Энэтхэгийн хэвлэлд дурджээ. Энэ нь хэргийн мөрдөн байцаалт, хяналт шалгалт тааруу явагддагтай холбоотой гэнэ. Гэхдээ Ройтерс агентлагийн шинжээчид Энэтхэгийн шүүх тогтолцоо алдаатай байгааг илрүүлсэн юм. Шүүгчид дүгнэлтээ тэнцвэргүй гаргаж байгаа гэж тэд шүүмжилж байна.