2013 онд ертөнцийн мөнх бусыг үзүүлсэн олны танил хүмүүсийг нэрлэж байна.
"Superman," "Fat Albert", "He-Man" зэрэг Ням гаригийн өглөө бүр үзэгчдийн хүртээл болдог, хит болсон хүүхэлдэйн киноны зохиогч Лоу Шеймер энэ оны аравдугаар сард 84 насандаа өөд болсон юм. Түүний бүтээлүүд кино урлагийн хөгжилд хувь нэмрээ оруулсан шилдгүүдийн жагсаалтад зүй ёсоор багтдаг. Энди Мангелс түүний амьдралын намтраар ном бичиж байжээ.
Америкийн хөлбөмбөгийн тэмцээний алдартай шүүгч Бум Филиппс энэ оны аравдугаар сарын 18-нд 90 насандаа нас эцэслэжээ. Мэргэжлийн шүүгч тэрээр коллежийн оюутан байхаасаа хөл бөмбөг тоглож эхэлсэн гэдэг.
Tennessee Titans клубын эзэн Буд Адамс аравдугаар сарын 21-нд 90 насандаа байгалийн жамаар өөд болжээ. Адамсын баг Хюстанд тоглож эхэлсэн бөгөөд аажимдаа Америкийн, бүр үндэсний хэмжээний хөл бөмбөгийн лигийг үндэслэн байгуулалцаж явжээ.
"NBA"-н тоглогч, тэргүүн шүүгч Билл Шарман аравдугаар сард 87-той байхдаа нас баржээ. Тэрээр нийт дөрвөн удаа шилдэг тоглогчоор шалгарч байв.
Жүжигчин Марсиа Уолс аравдугаар сарын 25-нд нас барсан талаар түүний төлөөлөгч мэдэгдсэн юм. 70 настай жүжигчин "The Bob Newhart Show" драмын хүлээн авагч Карол Кестерийн дүрээрээ мөн, "The Simpsons" хүүхэлдэй кинонд дуу оруулж, олны танил болжээ.
Нэрт хөгжмийн зохиолч, гитарчин, гоцлол дуучин Лю Рид аравдугаар сарын 27-нд 71 насандаа баржээ.
Өмнөд Африкийн ерөнхийлөгчөөр ажиллаж байсан нэрт тэмцэгч Нелсон Мандела 12-р сард 95 насандаа өвчний улмаас нас барсан билээ. Арьс өнгөөр ялгаварлан гадуурхах үзлийн эсрэг тууштай тэмцэж явсан тэрээр Өмнөд Африкчууд төдийгүй, дэлхийн удирдагчдын хайр, хүндэтгэлийг хүлээсэн нэгэн байжээ. Энэ нь түүний дурсгалыг хүндэтгэх ёслолд оролцсон нэр хүндтэй эрхмүүдийн жагсаалтаас харагдана.
"Галзуу хурд" киноны од, жүжигчин Паул Уолкер 40 насандаа авто машины ослоор амиа алдсан билээ. Энэ аймшигт үйл явдал шүтэн бишрэгчдийнх нь сэтгэлийг гонсойлгоод зогсохгүй, хэвлэл мэдээллийнхний анхаарлын төвд байна.
Холливудын алтан үеийн сайхан бүсгүйчүүдийн нэг болох жүжигчин Эдианор Паркер энэ сарын 9-нд 91 насандаа таалал төгссөн талаар ар гэрийнхэн нь олон нийтэд мэдээлэв. Жүжигчин бүсгүй гурван удаа оскарын шагналд нэр дэвшиж байсан бөгөөд "Sound of music" киноны дүрээрээ үзэгчдийн сэтгэлд хоногшжээ.
"Curb Appeal" телевизийн нэвтрүүлгийн хөтлөгч Билл Беквид энэ сарын 2-нд 38 насандаа таалал төгссөн байна. Сан Францискод мотоцикл унаж яваад машинтай мөргөлдөж, амиа алдсан нь үзэгчдийн дуртай нэвтрүүлэг тасалдахад хүргэжээ. Тэрээр сайн зохиолч, сэтгэгч, бүжигчин, телевизийн од байсан юм.
Нобелийн шагналт зохиолч Дорис Лессинг 11-р сарын 17-нд Лондон дахь гэртээ өөд болжээ. Их Британийн зохиолч
"The Golden Notebook" бүтээлээрээ алдартай бөгөөд энэ ном нь шүүмжлэгчдийн анхаарлыг татаж, шилдэг эмэгтэй зохиолчдын нэг болоход нөлөөлжээ.
"The Golden Notebook" бүтээлээрээ алдартай бөгөөд энэ ном нь шүүмжлэгчдийн анхаарлыг татаж, шилдэг эмэгтэй зохиолчдын нэг болоход нөлөөлжээ.
Чикаго хотод 25 жилийн турш амтат хоолоороо үйлчилсэн нэрт тогооч Чарли Троттер 54 насандаа нас баржээ. Түүний бие 11-р сарын 5-нд гэртээ байхад нь гэнэт муудаж, эмнэлэгт хүргэгдэж ирээд удалгүй нас барсан юм.
Инээдмийн жүжигчин Жэй Леггет 11-р сарын 23-нд 50 насандаа өөд болжээ. Тэрээр бугын ангийн тухай баримтат кино продюсерлэж байв.
Алдартай зөн билэгч Силвиа Бруани телевиз, радиогийн нэвтрүүлгүүдэд оролцож, номнууд нь шилдэг борлуулалттай бүтээлээр шалгарч байлаа. Тэрээр 11-р сарын 20-нд Хойд Калифорнийн эмнэлэгт өөд болсон юм.
Уолт Диснейн ууган охин Диани Дисней Миллер 11-р сарын 19-нд нас баржээ. Энэ талаар домогт кино уран бүтээлчийн дурсгалд зориулсан музейн захиргаанаас мэдэгдсэн байна. Тэр 79 настай байлаа.
ABC телевизийн "The Bachelor" цувралын жүжигчин Жиа Аллимэнд 29 насандаа нас барсан талаар гэр бүлийнхэн нь мэдэгджээ. Жүжигчинг амиа хорлосон гэж үзсэн юм.
Дисней компанийн "The Famous Jett Jackson" бүтээлээр танил болсон жүжигчин Ли Томфсон наймдугаар сард 29 насандаа нас баржээ. Лос-Анжелест байрлах гэртээ өөрийгөө буудаж, нас барсан болохыг цагдаа нар тогтоожээ. Хожим нь түүнийг эмчилгээнээсээ болоод зовж, шаналж байсныг илрүүлсэн байна.
Сэтгэгдэл (4)