Дэлхий ертөнцөд сүүлийн үед түүхэнд байгаагүй хүчтэй газар хөдлөлтүүд болж байгаа гэсэн дүгнэлтийг эрдэмтэд хийжээ. Тэд газрын чичирхийллийн талаарх түүхэн баримтуудыг үндэслэн ийм дүгнэлтэнд хүрсэн байна. Сан Францискод төвтэй Америкийн геофизикийн холбооноос статистик дүн мэдээнд үндэслэн 19-20-р зуунд илүү цөөн газар хөдлөлт болж байсан гэж үзжээ. Тодруулбал, 2004 онд Энэтхэгийн далайд, 2010 онд Чилид, 2011 онд Японд газар хөдөлт, цунамигийн гамшиг гарсан юм. Харин 18-19-р зуунд болсон гамшгийн талаарх мэдээлэл хомс байдаг бөгөөд 8,5 магнитут нь хамгийн дээд хэмжээ гэж үздэг байв. Гэтэл 8,9-9,5 магнитутын түвшинд хүрсэн тохиолдол сүүлийн жилүүдэд гарчээ. Энэхүү судалгаагаар газар хөдлөлт болж болзошгүй газруудыг тогтоосон байна. Ер нь, байгалийн гамшиг 1000-1900 жилийн давтамжтайгаар тохиолддог болохыг түүхэн баримтуудад үндэслэн дүгнэжээ. Доктор Рожер Муссоны хэлж буйгаар хүмүүс түүхээс сургамж авах ёстой гэнэ. Жишээлбэл, 2011 оны Японы гамшигтай ижил зүйл 9-р зуунд тохиолдож байсан ажээ. Мөн 2010 онд Гайтид болсон гамшгийн талаар хэн ч гайхаагүй юм. Учир нь 18-р зуунд мөн ийм газар хөдлөлт болж байжээ.