АТГ-аас төрийн байгууллагуудын энэ онд  авлигын эсрэг авч хэрэгжүүлсэн үйл ажиллагааны  үнэлгээний дүнг  танилцууллаа. Энэ сэдвийн хүрээнд ЭМДИС-ийн хуулийн компанийн захирал Д.Дүгэржаваас цөөн хэдэн асуултанд хариулт авлаа.

-АТГ-аас боловсруулсан шалгуураар шалгалтын хийсэн гэсэн үг үү?
- “MDS” ТББ болон “Онч шийдэл” ТББ-ын судлаачид хөдөө орон нутаг,  яам, агентлагууд, төрийн өмчит аж ахуй нэгж, компаниудад  шалгалт хийсэн юм.

АТГ-аас боловсруулсан 92 шалгуураар үнэлсэн энэхүү шалгалтыг хийсэн. Хамгийн гол шалгуур нь цахим хуудсандаа  мэдээллээ ил тод  байршуулах явдал байгаа. Гэтэл ИНЕГ, ОБЕГ, Оюуны өмчийн газар шалгалтын хугацаанд цахим хуудсаа ажиллуулаагүй.

-Шалгалтаар төрийн байгууллагууд ямар үзүүлэлттэй гарсан бэ?

-Авлигатай тэмцэх төлөвлөгөө, хөрөнгө  гаргаж хэрэгжүүлэх санал асуулгаар Төрийн албаны зөвлөл, Эрчим хүчний яам, Гаалийн ерөнхий газар, Монгол банк, Гадаад харилцааны яам, Оюуны өмчийн газар хамгийн муу гэсэн үнэлгээг авсан.  Үүний зэрэгцээ төрийн байгууллагад ажиллаж байгаа ажилтнуудын дунд санал асуулга явуулсан. Энэхүү санал асуулга нь тухайн байгууллагын удирдлагууд авлигатай тэмцэх хүсэл эрмэлзлэл хэр байна вэ гэдгийг тандах зорилготой.

-Тандалтын үр дүн хэр байв?

 -Өнгөрсөн онд танай байгууллагын удирдлагууд та бүхэнтэй авлигын эсрэг яриа хөөрөө хэдэн удаа өрнүүлсэн бэ гэдэг асуултанд 21.7 хувь нь огт яриа өрнүүлээгүй гэж хариулсан нь энэ төрлийн сургалт сурталчилгааны ажил байгууллагуудын удирдлагын төвшинд хангалтгүй байгаагийн нэг илрэл юм.

-Ер нь төрийн албан хаагч гэмт хэрэг үйлдэж, яллагдагчаар татагдах байдал хэр вэ?

-Энэ онд АТГ-ын мөрдөн байцаах газарт 17 хэргээр 24 төрийн албан хаагч хэрэгтнээр татагдсан байгаа. Үүнээс товч дурдвал ИНЕГ-аас тав, Татварын ерөнхий газар, Ашигт малтмалын ерөнхий газраас гурав, Газрын тосны газрын албан хаагч шалгагдаж байна.