Хойд Солонгосын удирдагч Ким Чен Уны авга ах Жан Сон Тэкийг авилгалын хэрэгт буруутган, албан тушаалаас нь огцруулсан явдал сүүлийн үед хэвлэл мэдээллийн анхаарлын төвд байсан. Хойд Солонгосын “KCNA” мэдээллийн агентлаг Жан Сон Тэкийг цаазаар авсан тухай мэдээлжээ. Түүнийг энэ долоо хоногийн эхээр Коммунист намын цэргийн дээд байгууллага болох батлан хамгаалах комиссоос хөөсөн юм. Энэ бол эцэг Ким удирдагчийг нас барсанаас хойш хоёр жилийн дараа авч хэрэгжүүлж байгаа улс төрийн томоохон өөрчлөлт болохыг барууны хэвлэлүүд онцолжээ. Чан зээ дүү Ким Чен Уныг хүмүүжүүлж, сургаж байсан тухай баримтыг улсын төв мэдээллийн агентлагт өгүүлсэн байна. Гэхдээ Чан өөрийн улс төрийн байр сууриа бэхжүүлэхийн тулд эрх мэдлээ хэтрүүлэн ашиглаж байсан гэдгээ хүлээн зөвшөөрсөн гэнэ. Хойд Солонгосын хэвлэлүүд түүнийг Ким Чен Уны эрх мэдэлд саад болж байсан хамгийн том хүн гэж онцолжээ. Тиймээс ажиглагчид Ким Чен Ун эрх мэдлээ бэхжүүлэхийн тулд ийм алхам хийлээ гэсэн дүгнэлтэнд хүрсэн байна.