Энэ наймдугаар сард Хятадад зургаахан настай бяцхан хүүгийн эвэрлэг бүрхэвчийг хулгайлж, нүдийг нь ухсан аймшигт хэрэг гарч, олон нийтийн сэтгэлийг эмзэглүүлж байжээ. Хүүгийн нүүрнээс цус гоожиж, уйлсаар гэртээ ирэхэд эцэг эх нь эмнэлэгт яаралтай хүргэсэн юм. Тэгвэл Гуо Бин хүүд нүд шилжүүлэн суулгах мэс засал амжилттай болжээ. Хятадын Шенжен хотод эмчлүүлж байсан хүүгийн хагалгаа амжилттай болж, Шанхи мужид байрлах гэртээ харьсан юм. Түүний нүдийг тэр чигээр шилжүүлэн суулгах боломжгүй, зөвхөн эвэрлэг бүрхэвчийг суулгах боломжгүй гэж үзэж байлаа. Гэхдээ хүүд бүрэн хараа оруулж чадаагүй юм. Хятадын Синьхуа агентлагийн мэдээлсэнээр цагдаа нар аймшигт хэрэгт хүүгийн холын хамаатны ахыг сэжиглэн шалгасан ч амиа хорлосон гэнэ. Гуо бин хүүг эрхтэн наймаалах хэргийн золиос болсон гэсэн таамаглалыг хожим нь үгүйсгэсэн юм. Цагдаа нар хэрэг гарах болсон шалтгааныг үргэлжлүүлэн шалгаж байна.