Украйны ерөнхийлөгч Виктор Янувович өчигдөр босогчдын тэргүүлэгчтэй дугуй ширээний ярилцлага хийсэн байна.

Босогчдын талынхан зөрчлийг намжаахын тулд ерөнхийлөгчийн сонгуулийг дахин явуулж, эрх баригчдыг шинээр сонгох шаардлагатай гэж үзэж байгаа юм. Тэд Европын холбоотой чөлөөт худалдаа явуулж харилцаагаа орчин үеийн түвшинд байлгах хэрэгтэй гэж хэлжээ.

Европын холбоонд Украйн улсыг нэгтгэх хэлэлцээрээс татгалзаж, эдийн засгийн хувьд Оросоос хараат болох гэж байна гэж үзсэн хэдэн мянган иргэд тэмцсэн хэвээр байна. Харин ерөнхийлөгч Виктор Януович Киев хотноо Засгийн Газрын эсрэг жагсаал цуглаанд оролцож баривчлагдсан хүмүүст өршөөл үзүүлэх санал гаргажээ. Ерөнхийлөгч хоригдож буй хүмүүсийг суллаж, зөрчлийг зогсоох хэрэгтэй гэдгийг онцолсон байна. Пүрэв гаригт Европын холбооны тэргүүн дипломат "Украйны ерөнхийлөгч Европын холбооны хэлэлцээрт нэгдэх зорилготой байгаа" гэж мэдэгдсэн юм. Янукович энэ мэдэгдлийг бататгаж, хэлэлцээрийг үргэлжлүүлэх болсон тухай мэдэгдсэн байна. Тэрээр цагдаа нар болон жагсагчдын хооронд мөргөлдөөн гарсан явдалд аль аль талыг нь буруутай гэж шүүмжилжээ.