Онлайнаар нөхөрлөсөн хүмүүсийн харилцаанд бүдүүлэг, хараалын үг хаялцсан байдал их байдгийг нэгэн судалгаагаар харуулжээ.

Нийгмийн сайтад харилцах нь хүмүүсийг бүдүүлэг болгож байгаа бөгөөд 5 хүн тутмын 2 нь виртуал орон зайд харилцсаныхаа дараа харилцаагаа тасалдаг байна.  Нийгмийн сайтын хэрэглэгчдийн дунд явуулсан энэхүү судалгаанд 2,698 хүнийг хамруулсан байна. Эдгээр хүмүүсийн 78 хувь нь онлайн хуудсанд зочлонгуутаа эелдэг байхаа больж, бүдүүлэг зан авир гаргаж байжээ.

Судалгааны байгууллагын ахлах шинжээч Жозеф Грэнни бодит амьдрал дээрх хүмүүсийн 19 хувь нь виртуал орчинд оронгуутаа хаалттай, нөхөрсөг бус харилцааг үүсгэж байгааг хэлж байна. Дэлхийн ертөнц өөрчлөгдөж, бидний харилцааны амин чухал хэсэг нь онлайн харилцаа болж байгаа. Технологийн хөгжлийг гүйцэж түрүүлэх ямар ч арга байхгүй гэж Гренни Ройтерс агентлагт өгсөн ярилцлагадаа дурджээ. Онлайн харилцаан дахь бүдүүлэг байдлаа засахын тулд өөрөө өөртэйгөө ярилцах, залхуурлаа дарах, хэн нэгнийг шүүмжилсэн, дүгнэсэн үг хэллэгээс татгалзах гэсэн үндсэн 3 дүрмийг баримтлах хэрэгтэй гэдгийг санууллаа. Ингэж байж, хэт их сэтгэл хөдлөлөө дарж, таагүй байдлыг даван туулах юм. Хэрвээ таны постонд ямар нэг бүдүүлэг зүйл илэрвэл одоохон зогсоо. Нийгмийн сайтаас гар.