Дэлхийн хамгийн хурдан хүн гэгддэг олимпийн аварга Усайн Болт өчигдөр нэгэн сонирхолтой уралдаанд оролцжээ. Тэрбээр Аргентиний нийслэл Буэнос-Айросд зорчигч тээврийн автобустай уралдан, түрүүлсэн байна. Тэрбээр 80 метр замд уралджээ. Усайн Болт Аргентинд ядуурлын эсрэг аян, хүүхдүүдтэй уулзах хүмүүнлэгийн ажилд оролцож байгаа аж.

   2016 онд зодог тайлна гэдгээ мэдэгдсэн тэрбээр өмнө нь Их Британийн ханхүү Харритай уралдаж байсан юм. Олимпийн наадмын 100, 200 метрт зургаан алт хүртсэн Усайн Болт найман удаа дэлхийн аваргаар шалгарсан. Усайн Болт нь Карл Льюисээс хойш буюу 1984 оноос хойш нэг олимпоос 3 алтан медаль хүртсэн анхны хөнгөн атлетикч, мөн түүхэнд нэг олимпод 3 дэлхийн дээд амжилт тогтоосон анхны хүн, 100, 200 метрийн гүйлтэд олимп, дэлхийн аварга цолыг зэрэг эзэмшиж байгаа анхны тамирчин юм.