Өмнөд Африкийн ерөнхийлөгч Нелсон Манделаг нас барсаны дараагаар “CNN” агентлаг олон нийтийн дунд ирээдүйдээ итгэх итгэл ямар байгаа талаар судалгаа явуулжээ. Өмнөд Африк болон Африк тивийн 19 орны 9000 гаруй иргэнийг оролцуулсан судалгааны дүнд тэд ирээдүйн сайн, сайханд итгэлтэй байгааг тогтоосон байна. Тэд Манделагийн хүчирхэг байсан үеэс ч илүү ирээдүй нь баталгаатай байх болно гэдэгт итгэлтэй байгаа ажээ. Ялангуяа Нигер улсад авилгал дээд цэгтээ хүрээд байгаа ч тэд улс орныхоо удирдагчдыг зөв алхам хийнэ гэж үзжээ. Африк тивийн удирдагчид Манделаг их хүндэтгэдэг бөгөөд түүний нөлөө багагүй гэдгийг дээрх судалгаагаар харуулжээ. Африк тивд авилгал, өлсгөлөн, ядуурал нүүрлээд байгаа ч тэд энэ бүх бэрхшээлийг даван туулна гэдэгт эргэлзэхгүй байна.