Өмнөд Солонгост амьдарч буй Хойд Солонгосын иргэд эх орондоо болсон мэдээллийг ар гэрийнхэнтэйгээ нууцаар холбоо барьж олж, авчээ. Энэ мэдээллээр дамжуулан Хойд Солонгосын иргэд одоогийн дэглэмдээ үнэнч байхыг шаардсан захидлыг ар гэрийнхэндээ илгээж, үзэл суртал ихэсч байгаа гэсэн утгатай сурвалжлагыг “BBC “агентлагийн сэтгүүлчид бэлтгэсэн байна. 2004 онд Хойд Солонгосоос гарсан Жан Син Сун эх орондоо болж байгаа үйл явдлыг орон нутгийн мэдээллийн сайтаас авч, агентлагийн сурвалжлагчид мэдэгдсэн байна.
Тус улсын удирдагч авга ахаа цаазалсан нь иргэдийг гайхшруулж, цочроож, айдас дагуулжээ. Удирдагч Ким Жон Ун гэр бүлийн гишүүдээ арчиж хаяхаар завдаж байна гэсэн айдас иргэдийн дунд байгаа юм. Эх сурвалжийн мэдээллээр Хойд Солонгосчуудын ихэнх нь улс орны эдийн засгийн доройтлыг буруутгасных нь төлөө Чан Сон Тэкийг золиосонд гаргасан гэж үзэж байгаа ажээ. Тэрээр мөн үзэл суртлаас татгалзах хэрэгтэй гэж хэлдэг байсан гэнэ. “Ким Жон Ун авга ахдаа яаж ингэж ханддаг байна” хэмээн Хойд Солонгосын иргэд өөр хоорондоо ярилцаж байгаа ажээ.
Энэ сурвалжлагаас дүгнэхэд, Ким Жон Ун ёс суртахууны доголдолд орсоныг харж болно. Мөн Чан Сон Тэк “Удирдагчаа тахин шүтэх үзлийг үндсээр нь өөрчлөх хэрэгтэй. Бурхан шиг улс орны удирдагч удаан оршин тогтнохгүй” гэж хэлж байв. Одоо Ким Жон Ун цэргийн байгууллагуудад айлчлал хийж байгаа нь цаазаар авах харгислалаа үргэлжлүүлэх вий гэсэн айдас төрүүлэх болжээ. Тус улсын хэвлэлийн мэдээлж буйгаар сүүлийн жилүүдэд, шинэ зам, эмнэлэг, цанын баазуудыг барьж байгуулан, ихээхэн амжилт олсон гэнэ. Гэхдээ Хойд Солонгосын бодлого далд явагддаг учраас сэрэмжтэй байхыг Өмнөд Солонгосын ерөнхийлөгч анхааруулсан юм.