Энэтхэг улсын иргэн 28 настай Мадяа Прадеш 10 ихэр хүүхэд тээсэн нь дээд амжилт болсоныг анагаахын салбарынхан онцолжээ. Өнгөрсөн ням гаригт уг эмэгтэйн бие муудаж, эмнэлэгт хүргэгдэхэд ихрүүд аль хэдийнэ зулбасан байсан гэнэ. Эмч нар ихрүүдийг 12 долоо хоногтой байхдаа эхийнхээ хэвлийд үрэгдсэн болохыг тогтоогоод байгаа юм. Эх сурвалжийн мэдээлсэнээр Мадяа бүсгүй олон уйланхайн хам шинжийн улмаас зулбасан гэнэ. “The Times Of India”-д эмч Сумитра Ядавын хэлснээр ихрүүдээс гурвынх нь амийг аврах боломжтой байсан ажээ. 10 ихэр хүүхэд тээх нь туйлын ховор үзэгдэл юм. Хятадын “Синьхуа” агентлаг 1971 онд 35 настай эмэгтэй 15 ихэр тээж байсныг онцолж байсан түүхтэй. Гэхдээ албан ёсоор баталж чадаагүй. Харин 2009 онд Надяа Сулиман хэмээх бүсгүй 8 ихэр төрүүлсэн нь хамгийн олон хүүхэд амьд төрүүлсэн тохиолдол болж, Геннисийн номонд бүртгэгдсэн билээ.