Ангела Меркель парламентын доод танхимд явуулсан санал хураалтаар дахин Германы канцлераар сонгогдлоо. Тэрээр өчигдөр Германы ерөнхийлөгч Жоачим Гаукаас Берлин хотын Бэллвью ордонд батламж бичгээ гардан авчээ. Ингэснээр Меркель Европын хамгийн том эдийн засагтай орны Засгийн Газрыг ирэх дөрвөн жил удирдахаар болж байгаа юм. Нийт 185 хуудас “Германы ирээдүйн хөгжлийн загвар” нэртэй баримт бичигт Христийн ардчилсан холбооны удирдагч Меркель албан ёсоор гарын үсэг зурсан байна. Ингэснээр Герман улсын ирээдүйн хөгжлийг авч явах хүндтэй үүрэг хүлээлээ.