Малайзын иргэдийн 60 хувь нь бага орлоготой буюу өдрийн хоол, хүнсээ олохын төлөө тэмцэн амьдардаг. Нийтдээ хагас сая хүн ядуурлын шугамаас доогуур түвшинд багтдаг ажээ. Тус улсад ганцхан ширхэг лаазалсан бөөрөлзгөнө жимс 11 долларын үнэтэй байгаа нь юмны ханш ямар өндрийг харуулж байна. Малайзын эрх баригчид мянганы хөгжлийн зорилт тавьсанаас хойш ядуурлыг бууруулж, тогтвортой ажлын байрыг нэмэгдүүлсэн ч томоохон сорилттой тулгарсан хэвээр байна. 2015 он гэхэд өдөрт нэг доллараас бага орлоготой иргэдийг хоёр дахин бууруулах зорилт тавьжээ. Хөдөөгийн иргэдийн 85 хувь нь сарын 1,600 доллараас бага орлоготойд тооцогддог. Энтони бүсгүйн нөхөр нь 6 жилийн өмнө нас барсанаас хойш сард ердөө 100 долларын орлоготой болсон нь эрүүл мэндэд шаардлагатай бүтээгдэхүүнээ авахад хаанаа ч хүрэлцэхгүй. 18 нас хүрээгүй хүүхдүүдийнхээ тэтгэмжийн мөнгөнөөс 300 доллар авдаг ч хүнсний ногооны үнэ хямдрахыг хүлээх шаардлагатай болжээ.