Оросын тэрбумтан Михайл  Ходорковский  10 жил торны цаана суусны эцэст өршөөлийн хуулиар суллагдаад байгаа билээ. Газрын тосны магнат 2003 онд татвараас зайлсхийсэн, их хэмжээний мөнгө луйвардсан хэрэгт холбогдоод байсан юм. Оросын хамгийн баян хүмүүсийн нэг   Ходорковский Зөвлөлтийн систем задран унасны дараахан сөрөг хүчний талд орж, газрын тосны Юкос компанийг баяжих зэвсгээ болгосон юм.  Ходорковский суллагдсаны дараа хэвлэлд өгсөн ярилцлагадаа шоронд байхдаа хутгалуулж байсан тухайгаа дурсчээ. Тэрээр суллагдсандаа баярлаж байгаа ч ирээдүйдээ хамгийн ихээр санаа зовниж байгаа гэнэ. “Улс төрд орох сонирхолгүй байхгүй. Харин үүний оронд бизнесээ үргэлжлүүлэн хийж, нийгмийн ажилд оролцох болно. Эрх мэдэлтнүүдтэй тэмцэх сонирхол надад алга” хэмээн тэр ярьжээ. Мөн Швейцарьт амьдрах гэж буйгаа нуугаагүй ажээ. Путин  Ходорковскийг ирэх наймдугаар сард суллана гэж мэдэгдэж байсан юм. Гэтэл ийм хурдан сулласан нь удахгүй болох Сочигийн өвлийн олимпын өмнө улс орныхоо нэр хүндийг өсгөх гэсэн алхам боллоо гэж ажиглагчид таамаглаж байна. Харин албаны хүмүүс  Ходорковскийн ээжийн бие тааруу байгаа учраас энэрэнгүй сэтгэл гаргаж, сулласан гэж мэдэгдсэн юм.