Хятадад элэгний В вирусын эсрэг вакцин тарьсны уршгаар хэд хэдэн хүүхэд амиа алдсан талаар Синьхуа агентлаг мэдээллээ. Сичуань мужид уг вакциныг дөнгөж төрсөн хүүхдэд хийсэн боловч маргааш нь нас барсан байна. Хятадын эрүүл мэндийн салбарын ажилтнууд төрөөс хэрэгжүүлж буй дархлаажуулалтын хөтөлбөрийн улмаас амь насаа алдсан гэж үзжээ. Мөрдөгчид уг вакциныг үйлдвэрлэсэн компанийг шалгаж эхэллээ. Уг вакциныг Шенжен хотын “BioKangtai” эмийн үйлдвэрээс гаргасан бөгөөд аюулгүй байдлыг дээд зэргээр хангасан гэсэн тайлбар өгчээ. Одоогоор Хятадын эрх баригчид уг вакциныг тарихыг зогсоосон байна. Өмнөд хэсэгт орших Гуандон мужид дөрвөн хүүхэд амь үрэгдсэн гэсэн мэдээллийг “Associated Press” агентлагт дурджээ. Харин тус улсын үндэсний эрүүл мэнд, гэр бүл төлөвлөлтийн хорооноос Хюнан, Сичуань мужуудад хоёр нярай нас барсан болохыг тогтоосон байна.