Саяхан шоронгоос суллагдсан "Pussy Riot" хамтлагийн гишүүн Надежда Толоконникова өчигдөр хэвлэлийн хурал хийлээ. Тэрбээр ОХУ-ын Ерөнхийлөгч В.Путин албан тушаалаасаа огцрох ёстой хэмээн мэдэгдлээ.
   В.Путинг огцруулахын тулд ОХУ-ын иргэд болон бусад улс орнуудыг Сочи хотод болж байгаа өвлийн олимпод оролцохгүй байж эсэргүүцлээ илэрхийлэхийг уриалсан байна. Тэрбээр "В.Путин ийм том үйл явдлыг бүтэлгүй болгохыг хүсэхгүй. Хүний эрх байхгүй Орос оронд олимп зохион байгуулах нь ч утгаггүй. Тиймээс хүний эрхийг ихээр зөрчдөг В.Путинг огцруулахын тулд Сочигийн олимпоос татгалзъя" гэжээ.
24 настай Надежда Толоконникова, 25 настай Мариа Алёхена нар хоёр жил шоронд хоригдсон юм. Тэд ОХУ-ын Ерөнхийлөгчийн сонгуулийн үеэр В.Путинг дэмжихгүй байхыг уриалсан дуу дуулснаар "танхай"-н хэргээр ийнхүү ял авсан. Олон улсын хүний эрхийн байгууллагад эдгээр бүсгүйчүүдийн талд байж, эрхийнх нь төлөө тэмцсэн юм.