Мьянмарын ардчиллын төлөө тэмцэгч, Нобелийн шагналт Аун Сан Су Жигийн нам 2015 онд болох парламентын сонгуульд нэр дэвшихээр болжээ. Бүгд найрамдах засаглалтай тус улсад ерөнхийлөгчөө парламент нь сонгодог байна. Тиймээс ч эрх чөлөөний бэлгэдэл болсон хатагтай ерөнхийлөгч болохоор зүтгэж эхэлсэн талаар эх сурвалжууд баталлаа. Мьянмарын 2008 оны үндсэн хуульд цэргийн эрхтнүүд давуу эрх эдлэхээр заасан байдаг бөгөөд парламентын гишүүдийн 25 хувь цэргийн хүмүүс байдаг ажээ. Тийм ч учраас Аун Сан Су Жи үндсэн хуулийг өөрчлөхгүй бол 2015 оны сонгуулийг тойрсон хууль бус явдал тасрахгүй гэж үзжээ.