“Google” хайлтын системээр хамгийн их хайгдсан видео бичлэг, мэдээллийг тус компанийн мэргэжилтнүүд тооцжээ. Интернэт хайлтын зах зээлд тэргүүлэгч “Google”ийн системд компьютер хэрэглэгчдийн 77 хувь, гар утас хэрэглэгчдийн 87 хувь нь тогтмол нэвтэрдэг гэсэн судалгаа байдаг. Энэ онд интернэт хэрэглэгчид Өмнөд Африкийн удирдагч агсан Нелсон Мандела болон жүжигчин Пол Уолкерын гэнэтийн үхлийн талаарх мэдээллийг хамгийн их хайжээ. Харин энэ оны гуравдугаар улиралд технологийн салбарт тэсрэлт хийсэн “Iphone5S” ухаалаг гар утасны мэдээлэл жагсаалтын гуравдугаарт бичигдсэн байна.
4. Канадын жүжигчин, "Glee" цувралын од Кори Монтейт энэ оны долдугаар сард 31 насандаа нас барсан юм. Тэрээр Ванкувер хотын зочид буудлын өрөөндөө нас барсан байдалтай олдсон бөгөөд хар тамхи хэтрүүлэн хэрэглэсэн нь үхлийн шалтгаан болсоныг тогтоож, шуугиан дэгдээжээ.
5. “Harlem Shake” видеог өнгөрсөн хоёрдугаар сард интернэтэд байрлуулсаны дараагаар хэрэглэгчдийн сонирхлыг татаж, даган дууриагчид тоогоо алдсан гэж хэлж болно. “Youtube” сайтад богино хугацаанд “Harlem Shake” бүжиг хийж буй хэдэн мянган бичлэг тавигдсан юм. Энэхүү хөгжилтэй бичлэг нь хүмүүсийг хэл, соёл ялгалгүйгээр амархан нэгтгэж болдогийг дахин баталсан байна.
6. Бостон хотын уламжлалт гүйлтийн тэмцээний үеэр халдлага гарч, 140 гаруй шархдаж, 3 хүн нас барсан юм. 27 мянган хүн оролцсон гүйлтийн арга хэмжээнд бөмбөг дэлбэлсэн этгээдүүд цагаач оюутнууд болох нь илэрч, хохирогчид болоод гэмт хэрэгтнүүдийн талаарх мэдээлэл “цуврал кино” шиг хөвөрсөн билээ.
8. Samsung Galaxy S4 ухаалаг гар утас энэ онд хайлтын системийн шилдгүүдийн жагсаалтад багтжээ. Энэхүү төхөрөөмж нь гар утасны зах зээлд борлуултаараа тэргүүлж байгаа билээ.
9. "PlayStation 4" хэмээх "Сони" компанийн бүтээгдэхүүн нь энэ онд борлуултаараа жинхэнэ тэсрэлт хийлээ. Уг бүтээгдэхүүн нээлтээ хийсэн цагаас хойш дэлхий даяар 250 сая хувь зарагдаад байгаа билээ.
10. Түрэмгий зангаараа энэ онд Хойд Солонгосын удирдагч Ким Чен Ун интернэт орчин дахь шилдгүүдийн жагсаалтад багтсан байна. Тэрээр энэ онд Өмнөд Солонгостой дайн хийн гэж сүрдүүлэн, авга эгчийнхээ нөхрийг цаазалсан юм.
