Хятадын толгой баячуудын нэг болох Чен Гуанбиао “Нью-Йорк Таймс” сониныг худалдаж авахаар хоёр жилийн өмнөөс төлөвлөж эхэлсэн тухайгаа ярьжээ. Тэрээр маш өвөрмөц арга, технологийг боловсруулдаг юм. Чен идэж болдог галын хор, цэвэр агаар савлаж, олон нийтийн анхаарлыг татаж байжээ. “Нью-Йорк Таймс” сониныг эрхлэн гаргагч Артур Сулзбергер сониноо зарах хүсэлгүй байгаагаа мэдэгдсэн байна. Артур Сулзбергерийн гэр бүл компанийнхаа хувьцаанд найдвар тавьж байгаа ч Чен түүний гэр бүлийнхний оролцоогүйгээр худалдаж авах болно гэжээ. “Тус компани 4 тэрбум долларын орлоготой гэж би сониноос уншиж байсан. Энэ бол хувь хүн худалдаж авахад хэт өндөр үнэ боловч энэ худалдан авалтыг хийхээр шийдсэн” хэмээн Чен ярьжээ. Уг сонин хятад хэл дээрх хувилбараа гаргаж, Хятадын хэрэглэгчдийг ихээр татсан. Гэхдээ англи хэл дээрх хувилбарыг нь Хятадад хориглож, сонины сэтгүүлчдэд виз олгох тун дургүй байдаг ажээ. Тиймээс Чен сонины редакцийн бүтцийг өөрчлөхийг хүсч байгаа бололтой.
