Хятадын агаарын чанарын үзүүлэлт 2013 онд дунджаар  үндэсний 2,5 стандартаас хоёр дахин өндөр гарчээ. Энэ нь нэг метр куб тутамд 89,5 микро грамм бичил биет агуулагдаж байгаа гэсэн үг бөгөөд агаарын бохирдолтой тэмцэх хэцүү сорилт тулгараад байгааг харууллаа. Бээжингийн хүрээлэн буй орчны хяналтын төвөөс өнгөрсөн онд 58 өдөр агаарын чанар маш бохирдолтой, 176 хоногт нь сайн гарсан гэж үзжээ. Энэ нь зургаагаас долоо хоногийн давтамжтайгаар агаар бохир байдаг болохыг харуулж байна. Бээжингийн хүрээлэн буй орчныг хамгаалах товчооноос нүүрс шатаахыг багасгаж, автомашин эзэмшигчдийг хязгаарлах болон бусад бохирдуулагч хүчин зүйлсийг багасгах замаар 2,5 индексийг 2017 онд 60 хүртэл бууруулахаар төлөвлөжээ. Тус хотод 288 хүнд үйлдвэрт 1,3 сая тонн нүүрс шатааж буй нь агаарын бохирдлын гол шалтгаан болж байгаа юм.