Энэ сарын 1-нд Нийслэлийн Онцгой байдлын газарт объектын гал түймрийн 3, зөрчлийн 2, цогцос гаргах 1 дуудлагаар харъяа дүүргийн Онцгой байдлын хэлтсийн Аврах, гал унтраах анги, нийслэлийн Аврах ангийн бүрэлдэхүүн шуурхай ажиллалаа. Тухайлбал, Баянзүрх дүүргийн 10 дугаар хороо, Торгоны зам худалдааны төвийн хойно хог шатаж байна гэсэн дуудлагын дагуу цагт  Аврах, гал унтраах 10 дагаар ангийн 1 дүгээр тасгийг ажиллаж  унтраасан байна. Мөн Сүхбаатар дүүргийн 10 дугаар хороо, 12 дугаар байранд гал гарч байна гэсэн дуудлагын дагуу   Аврах, гал унтраах 10 дугаар ангийн 2 дугаар тасгийг гаргахад орцонд цахилгааны ерөнхий хуваарилах самбар шатаж байсныг унтрааж, хорт хий утаанаас хамгаалах багтай ажиллан утаажилтын бүсээс 40 иргэнийг гаргаж амь биеийг нь авран хамгаалсан байна.