Нийт гэмт хэргийн 60.8 хувь нь Нийслэлд, 38.4 хувь нь аймгуудад, 0.7 хувь нь төмөр замын буюу иргэний агаарын тээвэр, 0.1 хувь нь бусад газарт бүртгэгджээ. Улсын хэмжээнд бүртгэгдсэн гэмт хэргийг ангилалаар нь авч үзэхээр хөнгөн ангилалын гэмт хэрэг 45.9 хувийг, хүндэвтэр ангилалын гэмт хэрэг 45.4 хувийг, хүнд ангилал 7, онц хүнд ангилал 1.7 хувийг тус тус эзэлжээ. Гэмт хэргийн илрүүлэлт улсын хэмжээнд 58.8 хувь байгаа нь өмнөх оны мөн үеэс 2.2 хувиар, нийслэлийн хэмжээнд 56.5 хувь байгаа нь өмнөх оны мөн үеэс 4.8 хувиар ихэсчээ.

Өнгөрсөн оны байдлаар бусдын эд хөрөнгийг хулгайлах гэмт хэрэг 1618, будсын биед гэмтэл учруулах гэмт хэрэг 1018, зам тээврийн гэмт хэрэг 111, танхайрах гэмт хэрэг 112, бусдын эд хөрөнгийг залилах гэмт хэрэг 133, дээрэмдэх 68, бусдын хөрөнгийг шамшигдуулах 57, булаах 48, хүчиндэх гэмт хэрэг 39, хууль бусаар манай улсын хилээр эд зүйл нэвтрүүлэх гэмт хэрэг 32 хэргээр тус тус өссөн үзүүлэлттэй байна.

Хамгийн өндөр үзүүлэлттэй хэрэг халаасны хулгай, өмчийн хулгай зэрэг байна. Авто машин хулгайлах хэрэг 21.5 хувиар буурчээ.