Хулгайн төрлийн гэмт хэрэг буурахгүй байгаа цагдаагийн байгууллагаас мэдээлж байна. Тэр дундаа гэмт хэргийн 39 хувь нь шөнийн цаг буюу 22.00-06.00 цагт, 25.3 хувь нь 14.00-19.00 цагийн үед гарч байгааг тэд онцолж байгаа юм.  Гэмт хэрэгт холбогдогчид ихэнх нь залуу, эд хөдөлмөрлөж явах насан дээрээ байгаа аж. Тодруулбал, 73.9 хувийг 18-39 насны залуучууд, 3137 буюу 14.1 хувийг эмэгтэйчүүд, 1122 буюу 5.5 хувийг насан хүрээгүй хүмүүс эзэлж байна.

Улсын хэмжээнд бүртгэгдсэн гэмт хэргийн улмаас 105 тэрбум 761 сая төгрөгний хохирол учиржээ. Энэ нь өнгөрсөн 2012 оныхоос 3 дахин их байгаа аж. Тэгвэл хохирол нөхөн төлүүлэлт 86 тэрбум 130 сая төгрөг болж 4.4 хувиар өсчээ. Тэгэхээр учирсан хохирлын нөхөн төлүүлэлт улсын хэмжээнд 70 хувьтай байгаа юм.