Сар шинийн баяр тун удахгүй болох гэж байна. Үүнтэй холбогдуулан цагдаагийн байгууллагаас элдэв залилангийн хэргээс урьдчилан сэргийлж анхаарал болгоомжтой байхыг анхааруулж байна. Учир нь цагаан сарын үеэр настай хүмүүст одон тэмдэг, өргөмжлөл өгнө гэж хорооны болон өөр ямар нэг байгууллагын нэр барин гэрт дагаж очоод ээмэгт зүүлт, эд хөрөнгийг нь дээрэмдэх, залилан авах хэрэг ихээр гардаг байна. Өмнөх сар шинийн баяруудаар иймэрхүү хэрэг нэлээд бүртгэгдэж байсан бөгөөд тухай бүрт нь хэрэгтнийг баривчилж байсан аж. Мөн ээж аавыг чинь шагнана, өргөмжлөл өгнө гэх мэтээр залилж хүмүүсээс мөнгө авдаг залилангийн хэрэгч гардаг байна. Үүгээр зогсохгүй хорооноос танайд гурил, будаа өгнө гэх мэтээр гэрт нь орж хураамж болох 5000, 10000  төгрөгийг залилах явдал энүүхэнд аж.