Венесуэлийн 2004 оны мисс, олон ангит киноны од, 29 настай Моника Спирийг нөхрийнх нь хамт буудаж хөнөөжээ. Түүнийг 39 настай Их Британи нөхөр болон 5 настай охиных нь хамт машинд нь буудсан гэнэ. Эхнэр, нөхөр хоёр газар дээрээ нас барж, бяцхан охин нь хүнд шарх авсан байна. Мөрдөгчид хэргийг шалгаж байгаа бөгөөд дээрмийн золиос болсон гэж таамаглаж байгаа ажээ. Хатагтай Спир гэр бүлийн хамт нийслэл Каракас хотоос гарч амрахаар явж байсныг гэрчүүд нотолсон байна. Венесуэл улс гэмт хэргийн гаралтаараа дэлхийд тэргүүлэгч орнуудын нэг болж, дээрэм, хүн барьцаалах хэрэг ердийн үзэгдэл болсоныг алдартай одын үхэл харууллаа. Энэ хэргийн дараа ерөнхийлөгч Николас Мадуро ард иргэдээ гэмт хэргээс хамгаалахын төлөө ажиллана гэдгээ амласан байна.