Өнөөдөр болох зарим үйл явдлыг танилцуулж байна.

09:00 цагаас ”Цахим нээлттэй өдөрлөг” зохион байгуулах гэж байна. Эх хүүхдийн эрүүл мэнд, осол гэмтлээс урьдчилан сэргийлэх чиглэлээр мэдээ, мэдээллийг байгууллагын цахим хуудас /ncph.gov.mn/, фэйсбүүк /Healthy mongolia/ групп, твиттерт байршуулах ба та бүхэн өргөнөөр оролцож өөрийн сонирхсон асуултандаа хариулт авч болно.

13.00 цагаас UBS телевизийн байранд Монголын телевизийн түүхэнд тасралтгүй таван жил дарааллан амжилттай зохион байгуулагдсан “Universe Best Songs” дууны наадам тун удахгүй 2014 оны шалгаруулалтаа эхэлж байгаатай холбогдуулан хэвлэлийн бага хурал хийнэ.

Мэргэшсэн нягтлан бодогчдын жилийн уулзалт өнөөдөр 9-18 цагт Монголын үндэсний худалдаа аж үйлдвэрийн танхимд болно.

11:30-13:30 цагт Хан-Уул дүүргийн ИТХурал, ЗДТГазраас Монгол Улсын шинэ Үндсэн хуулийг батлалцсан Ардын Их Хурлын депутат, Үндсэн хуулиа дээдлэн хүндэтгэдэг иргэдийг уулзуулах “ҮНДСЭН ХУУЛИЙН ӨДӨР”-ийн арга хэмжээг дүүргийн хурлын зааланд зохион байгуулах юм.

МН мэдээллийн төвд 12.00 цагт “Амьтны эрх хамгаалах сан”-гаас Хууль бус агнуурыг бууруулах бодлогын шинэчлэл, Галт зэвсгийн тухай хуулийн шинэчилсэн найруулгын төсөлд санал оруулах асуудлаар хэвлэлийн бага хурал зарлалаа.

13.00 цагт ОХУ-ын “Зөн билгийн тулаан” нэвтрүүлгийн 13 дахь цувралын ялагч Дмитрий Волхов Монголд ирэхтэй холбогдуулж сэтгүүлчдэд мэдээлэл хийнэ.