Төрийн тусгай албан хаагчдын нэгдсэн эмнэлгийг “Цэргийн госпиталь”-тай нэгтгэж  Батлан хамгаалах хууль сахиулах албан хаагчдын нэгдсэн  эмнэлэг /БХХСАХНЭ/ болгосон.

Ингэж эмнэлгүүдийг нэгтгэхдээ Монгол Улсын хамгийн өндөр хүчин чадал бүхий MRI  болон CTI аппаратыг  эзэнгүйдүүлсэн юм.  Тэдгээр аппаратыг  өнгөрсөн  хугацаанд  ашиглалтад оруулж, хэвийн ажиллагаатай болгож, хянах ажлыг тус эмнэлэгт нийлүүлсэн  “Пролианс” ХХК  хариуцан ажиллаж байжээ.

Тэгвэл энэ сарын 07-08-аас шилжих шөнө  тус  төхөөрөмж дэлбэрч,  утаа их хэмжээгээр гарч энэ үеэр  цагдаа нар хамгаалалтад гарсан  байна. Дотоодын цэргийн  805 дугаар  ангийн албан хаагчид байнга  хамгаалдаг тус эмнэлэгт ийн дэлбэрэлт болж хий гадагшилж байхад хав дараад өнгөрсөн талаар эх сурвалж мэдээллээ.