Израйлийн экс ерөнхий сайд Ариэл Шарон найман жилийн турш комд байсны эцэст 85 насандаа таалал төгслөө. Йерусалим хотын парламентын ордны гаднах тугийг бөхийлгөж, түүнд хүндэтгэл үзүүлж байна. Түүний шарилыг өнөөдөр парламентын ордонд аваачиж, ерөнхийлөгч Шаймон Перес зэрэг төрийн дээд албан тушаалтнууд хүндэтгэл үзүүлсэн байна. Шароныг Израйлийн өмнөд хэсэгт орших өөрийнх нь эдлэн газарт буюу 2000 онд нас барсан эхнэр Лилигийнх нь шарилын дэргэд оршуулахаар болжээ. Оршуулах ёслолын цувааг хэдэн мянган жиргэн иргэн дагах төлөвтэй байна. Мөн ОХУ-ын гадаад хэргийн сайд Сергей Лавров, Америкийн дэд ерөнхийлөгч Жое Баден зэрэг дэлхийн олон орны удирдагчид оролцохоор болжээ. Шарон нь 1948 онд Израйлийн тусгаар тогтнолын төлөө дайнд оролцож, 1967 онд Ойрхи Дорнодын дайны үеэр армийг удирдаж байсан түүхтэй бөгөөд дэлхийн нэр хүндтэй удирдагчдын тоонд зүй ёсоор багтдаг.