Сирийн хойд хэсэгт өрсөлдөгч хоёр армийн цэргүүд долоо хоногийн турш тулалдаж байна. Тэд Башар Ассад гэсэн ганцхан дайсантай боловч одоо Аль-Кайда бүлэглэлтэй холбоотой дайчид, босогчдын талынхан гэсэн хоёр хэсэгт хуваагдаж байлдах болсон юм. Нэг талд нь барууны орнуудын ар тал болсон цэргүүд байхад нөгөө хэсэг нь Лалын шашинт Ирак, Ойрхи Дорнодын Левант орнуудаас дэмжлэг авсан Сирийн босогчдын талын дайчдаас бүрдсэн жижиг бүлэглэл юм. Аль-Кайдатай холбоотой бүлэглэл Сирийн иргэний дайн хүчирхийлэл болон хувирч, сэтгүүлчид, сайн дурын ажилтнууд, иргэдийн амь насыг хохирооход нөлөөлсөн гэж буруутгагдаж байгаа. Энэ бүлэглэл Ирак улсын далбаан дор 2006 онд үүсгэн байгуулагдсан юм. 2012 онд хүчээ нэмэгдүүлж, 3000-5000 дайчинтай болсноор 2013 оны дөрөвдүгээр сард нэрээ “Ирак, Левантын лалын улс” болгон өөрчилж, Сирийн иргэний дайнд оролцсон юм. Эдгээр дайчид Сирийн хойд болон зүүн мужуудад идэвхтэй үйл ажиллагаа явуулж байжээ.
Башар Ассадын дэглэмийг эсэргүүцсэн тулааны үеэр хойд хэсэгт босогчдын тал суларч эхэлсэн билээ. Харин удаан хугацааны турш үргэлжилсэн мөргөлдөөний улмаас босогчдын тал байр сууриа олж авч магадгүй болжээ. Аль-Кайда бүлэг идэвхжсэн нь босогчдын талыг дэмжих олон улсын бүлэглэлүүд Сирид орж ирэх нэг шалтгаан болсон юм. Тэгэхээр Сирийн зөрчлийг юу бий болгож, яагаад ийм удаан үргэлжилсээр байна вэ? Сирийн иргэд олон улсын байгууллагууд Америкийн үзэл суртлын төлөө ажиллах шаардлагагүй гэж үздэг. Террорист бүлэглэлүүд хаанаас санхүүжиж, үйл ажиллагаа явуулж байгаа гэдэг нь сонирхолтой. Сирийн ард иргэд бүгд Башар Ассадын дарангуйллаас салж, өөрсдийнхөөрөө амьдрахыг хүсч байна.
