Израйлийн батлан хамгаалахын сайд Яалон Израйль, Палестины хоорондох энхийн хэлэлцээрийг зуучлахаар чармайж байгаа АНУ-ын төрийн нарийн бичгийн дарга Жон Керриг шүүмжилсэнийхээ төлөө уучлалт гуйжээ. Түүний хэлсэн үг Америкийн эрх баригчдын дургүйцлийг төрүүлсэн юм. Яалон Израйлийн нөлөө бүхий сонинд “Жон Керри Палестины зөрчлийн асуудлаар надад зааж чадахгүй” гэж ярьсан байна. Гэхдээ дараа нь Жон Керригээс бичгээр уучлалт хүссэн гэнэ. Цагаан ордны хэвлэлийн төлөөлөгч “Керри Арабын удирдагчидтай уулзаж, энхийн хэлэлцээрээ эхлүүлэхийн төлөө үргэлжлүүлэн зүтгэх болно” хэмээн ярьжээ. Америкийн төрийн нарийн бичгийн дарга саяхан Палестины ерөнхийлөгч Махмуд Аббас, Израйлийн ерөнхий сайд Бенжамин Нетаньху нартай уулзсан юм.