Хятадууд Титаник хөлгийн хуулбарыг мөсөн уулын хамт хийж, цэцэрлэгт хүрээлэнд байрлуулах болсон нь хамгийн муу санаа гэж Ирландчууд шүүмжилж байна. Далайн эргээс 1000 гаруй километрийн цаана, Сичуань мужид баригдах уг байгууламж Титаник хөлгийн сүйрлээр амь үрэгдсэн хүмүүсийн дурсгалыг хүндэтгэх зориулалттай ажээ. Хятадууд энэ төслийг хэрэгжүүлэхэд 161 сая доллар буюу 1 тэрбум юань зарцуулж, 2016 онд ашиглалтад оруулахаар тооцоолж байна. Ирландын Белфаст хотын даргаар ажиллаж байсан Жим Рожерс “Долоон одтой зочид буудал, цогцолбор болох энэхүү төсөл нь маш сайхан боловч мөсөн уул мөргөсөн хэсгийг дүрслэн харуулах нь хайртай хүмүүсээ алдсан ар гэрийнхэнд нь таагүй сэтгэгдэл үлдээнэ” гэжээ. Рожерсийн өвөг эцэг нь Титаник хөлгийг барихад оролцож байжээ. Тиймээс хийц, загварын хувьд тохиромжгүй гэж үзэж байгаа аж. 1912 оны дөрөвдүгээр сарын 15-нд уг тансаг хөлөг живж, 1500 гаруй зорчигч амь үрэгдсэн түүхтэй. Харин төслийн гүйцэтгэх захирал Су Шаожун “Титаникаар дамжуулан хүмүүст хайр, энэрлийг төрүүлж, хариуцлагыг мэдрүүлэхийг хүссэн” гэж ярьжээ. 1997 онд хийсэн Титаник кинонд ахмад Эдуард Смидийн дүрийг бүтээсэн жүжигчин Бернард Хиллийг нээлтэнд нь оролцохыг урьсан боловч зохимжгүй санал хэмээн татгалзсан байна.