Тайландын Засгийн газрын эсрэг жагсаал үргэлжилж байна. Тэмцэгчид Бангкок хотын гол төвүүдийг хааснаар яамдын үйл ажиллагааг зогсооно гэж итгэж байгаа ажээ. 134 банкны сүлжээ, бизнесийн байгууллагыг хааснаар 1,2 сая хүн ажлаа хийж чадахгүй болсон байна. Эсэргүүцэл, тэмцэл удаан үргэлжилвэл, аялал жуучлал, аж үйлдвэрлэлийн салбарын үйл ажиллагааг хаах эрсдэлтэй болжээ. Гэтэл эдгээр салбар нь тус улсын дотоодын нийт бүтээгдэхүүний 7 хувийг бүрдүүлдэг байна. Одоогоор Бангкок хотын төв дүүрэг жагсагчдын хөлд дарагдаад байгаа бол ард иргэдийн дийлэнх нь гэрээсээ гарахгүй байхыг хүсч буй аж. Учир нь 2000 оны эхээр Тайландад олон нийтийг хамарсан жагсаалын улмаас 90 хүн амиа алдсан гашуун түүх бий. Долоо хоногийн турш үргэлжилсэн дээрх жагсаалын үеэр хоёр хүн шархадсан тухай мэдээлэл байна. Сөрөг хүчнийхэн ирэх хоёрдугаар сард болох дахин сонгуулийг эсэргүүцэж, ерөнхий сайд Инглак Шинаватраг огцрохыг шаардаж байгаа юм.
