ШУТИС-ийн бүрэлдэхүүн 15 сургуулийг найм болгох хувилбарыг дэвшүүлээд байгаа аж. Үүнийгээ тэд урт хугацааны судалгаанд үндэслэсэн хэмээн тайлбарлаж байна. ШУТИС-ийн хөгжлийн бодлогыг хэрэгжүүлэх үүднээс сургуулийн бүтэц зохион байгуулалтыг өөрчлөх санал боловсруулах ажлын хэсэг хоёр сар гаруй хугацаанд судалгаа хийж ажилласан гэнэ.
Энэ өөрчлөлт мэргэжлийн хөтөлбөрүүдийг олон улсын жишигт ойртуулах бэлтгэн гаргах мэргэжлүүдийн талаар судлгаа явуулах, гадаад орнуудын их дээд сургуулиудын зохион байгуулалтыг судлах Монгол Улсын эдийн засгийн хөгжлийн хандлага боловсролын салбарт баримтлах бодлоготой уялдаж байгаа гэнэ.
МУИС мөн шинэ оны өмнөхөн багш ажилчдын эсэргүүцэлтэй тулгарсанч 14 салбар сургуулиа нэгтгэн ердөө дөрөвхөн сургуультай болох шийдвэр баталсан. Энэ өөрчлөлтөөс гарах үр дагавар нь эерэг, сөрөг аль нь давамгайлахыг урьдаас тааварлах аргагүй байна. Гэтэл төрийн өмчийн дараагийн их сургууль үүнтэй яг адилаар бүтцийн өөрчлөлт хийхээр боллоо. Тэгвэл тун удахгүй дараагийн их сургуулиуд ХААИС, ЭМШУИС-д халдах вий. Хэрэв зээ тийм явдал болох юм бол ирэх жилээс монголын дээд боловсролд хөл толгой нь олдохгүй үймэх болно.