Хуачито бол туйлын үнэнч нохой юм. Түүний хувь заяа Японы алдарт Хачико нохойтой ижил ажээ. Хаучито нохойн үүлдэр тодорхой бус бөгөөд одоо Боливи улсын Pope Paul өргөн чөлөөнд амьдарч, нутгийн иргэдийг гайхшруулж байна.

Тэрээр таван жилийн өмнө мотоциклийн ослоор нас барсан эзнээ хүлээж, осол болсон гудамжинд очсоор байна. Хөөрхий нохой мотоциклтой хүн бүрийг харан дагах боловч эзэн нь биш болох нь харамсалтай. Тэр одоо гудамжаар хэрэн тэнэж, хайртай эзнээ хайсаар л байна. Заримдаа байшингийн буланд хэвтэж, уйтгарлаж буйг анзаардаг хэмээн худалдаачин эмэгтэй Марта ярьжээ. Гэхдээ Хаучито нохойг олон хүн асарч хамгаалан, хооллох боловч өөртэй нь тоглож, наадаж өссөн эзнээ л хүлээдэг гэнэ. Нохой бол үнэхээр гайхалтай тэвчээртэй, үнэнч амьтад юм. Японы Хачикогоос гадна хятад нохой нас барсан эзнээ эмнэлгийн гадна дөрвөн жил хүлээж байсан түүхтэй.