Хятадын Чунцинаас гаралтай 60 настай Шиан Ренхан нөхөртөө зориулж 11 жилийн турш цамц нэхэж байна. Энэ бол жирийн нэгэн цамц бус бөгөөд Ренхан өөрийнхөө үсээр нэхэж буй гэдгээрээ онцлог юм. Насаараа сурган хүмүүжүүлэх ажил хийсэн Ренханы үс 34 настай байхад нь унаж эхэлсэн боловч ургах тоолонд тайрч цуглуурсаар одоо цамц бэлэн болжээ. “Залуу байхдаа урт сайхан гэзгээрээ гайхуулдаг байлаа. Тиймээс гялалзсан хар үсээрээ утас нэхэж насан туршдаа хадгалахыг хүссэн” хэмээн тэрээр ярьж байна. Ингээд үсээ цуглуулж байгаад 2003 оноос эхлэн цамц нэхэх санаа төржээ. 382 гр цамц, 119,5 гр жинтэй малгай нэхэхийн тулд 116 мянган ширхэг үс зарцуулсан байна.