Европын холбооны орнуудад авилгал дээд цэгтээ хүрч төсвийн хөрөнгөнөөс жил бүр 120 тэрбум евро “хумсалж” байгаа гэсэн судалгаа гарчээ. Европын холбооны дотоод хэргийн комиссар Сесилия Малмстрьом энэ асуудлын талаарх тайланг танилцуулахдаа бодит тоо үүнээс ч өндөр байгааг сануулав. Европын 28 орныг хамруулсан судалгаагаар авилгал хоёр дахин өссөнийг харуулсан байна. Мөн Их Британичуудын зөвхөн 1 хувь хахуульд мөнгө төлдөг гэсэн дүн гарчээ. Гэхдээ Их Британичуудын 64 хувь нь авилгал газар авсан гэж үзсэн бол нийт Европчуудын 74 хувь нь тийм гэж хариулжээ. Польш, Словак, Унгар зэрэг орнууд авилгал хамгийн өндөртэй орноор тодорсон байна. Эдгээр орнуудад эрүүл мэндийн даатгалын хөрөнгийг хувьдаа завших тохиолдол гарч байсан юм.