Стан нь перс хэлээр “улс” гэсэн утгатай үг юм. Гэвч Төв Азийн “Стан” нэрээр төгссөн бусад үндэстнүүдтэй адилхан сонсогдож байна хэмээн ерөнхийлөгч Назарбаев онцолжээ. Тэрээр “Монгол” зэрэг “Стан” төгсгөл ороогүй нэр хэрэгтэй хэмээн хэлсэн бөгөөд “Казах Ели” болгох саналыг гаргасан байна. "Афганистан, Пакистан зэрэг зөрчил ихтэй орнуудтай манай улсыг андуурах тохиолдол их байдаг тул өөрсдийн гэсэн брэнд нэртэй болох ёстой" гэж хэлсэн юм. Олон үндэстэн ястаны өлгий, түүх соёл ихтэй улс нэрээ өөрчилсөнөөр гадаадынхны анхаарлыг татаж, хөрөнгө оруулалт авах болно гэжээ. Өмнө нь Конго, Тайланд улсууд нэрээ өөрчилж байсан түүхтэй.