ОХУ-ын ерөнхийлөгч Владимер Путин найз бүсгүй болох олимпийн наадмын уран гимнастикийн алтан медальт Алина Кабаева нар хуримын бөгжөө олон нийтэд харуулсан байна. Сочигийн олимпийн хоккейн тэмцээний үеэр Алина ядам хуруундаа бөгж зүүсэн байсныг Оросын хэвлэлүүд онцолжээ. Харин В.Путин өнгөрсөн долоо хоногт Египетийн тэргүүн шадар сайдтай уулзахдаа хуримын бөгж зүүсэн харагджээ. Тэгэхээр тэд нууцаар гэрлэсэн болох нь үнэн бололтой. Өнгөрсөн зургадугаар сард В.Путин олон жил ханилсан эхнэр Людмилагаас албан ёсоор гэрлэлтээ цуцлуулж шуугиан тарьсан юм. Түүнийг Оросын сайхан бүсгүйчүүдийн нэг Алина Кабаеватай нууц амрагийн харилцаатай гэж хэвлэлүүд удаа дараа бичиж байсан хэдий ч  хэзээ ч хүлээн зөвшөөрөөгүй ажээ.